Wolper, amemmwagia sifa lukuki waziri mkuu huyo wa zamani na kuwataka Watanzania kuwa pamoja katika kuijenga nchi na kudai kuwa Mh. Lowassa amekuwa mstari wa mbele kwa kupambana kwa kuleta mabadiliko kwa watanzania.
Amenukuliwa akisema kuwa anaamini kuwa Lowassa, ameleta historia kubwa sana nchini kwasababu haijawahi kutokea Tanzania, kwani ametuma ujumbe kwa viongozi wengine ambao walikua wazembe na waliojisahau na kudai kuwa anaamini wataifanya nchi kuwa mpya.
Ameongeza kuwa yeye bado anaamini Lowassa ni kiongozi shupavu, muelewa na mwenye akili za kupambanua mambo, na kusema kuwa kushindwa kwake haijalishi kwa sababu anaamini watanzania wanamkubali hasa kwenye mabadiliko.
Aidha, amewataka wasanii wenzake ambao wapo CCM wasijengeane chuki kwa yaliyotokea kwani aliamua kutafuta haki yake ya msingi akiwa kama msanii.
Sambamba na hilo amedai kuwa kwa wana mabadiliko wenzake waendelee kupambana na watakao wawakilisha bungeni wafanye kazi ya maana hasa kuwatetea wanyonge.
