Mchezo huo uliofanyika Uwanja wa Juventus, mjini Torino, Italia ulikuwa wa kawaida na timu zote zilicheza kwa tahadhari, hali iliyosababisha hata mashambulizi yawe machache.
Wafalme; Wachezaji wa Sevilla wakiwa na taji la Europa League baada ya kuifunga kwa penalti Benfica
Fainali kweli: Jose Antonio Reyes wa Sevilla akichuana na Rodrigo Moreno na Ruben Amorim wa Benfica katika Fainali ya Europa League usiku huu Uwanja wa Juventus mjini Torino.
Shujaa; Kipa Beto akipangua penalti ya Rodrigo
Bacca, M’Bia, Coke na Gameiro ndiyo walifunga penalti za Sevilla, wakati wa Cardozo na Rodrigo walikosa za Benfica, huku Lima na Luisao wakifunga.
Sifa zimuendee kipa Mreno wa Sevilla Antonio Alberto Bastos Pimparel aliyewazuilia ndugu zake leo na kucheza penalti moja ya Rodrigo, wakati ya Cardozo ilikwenda nje.
Ushindi wa Sevilla unamaanisha mataji yote ya klabu ya UEFA msimu huu yamebaki Hispania, kwani Atletico Madrid na Real Madrid nazo zitakutana katika Fainali ya Ligi ya Mabingwa baadaye mwezi huu nchini Ureno.
Vikosi vilikuwa, Sevilla: Beto, Coke, Pareja, Fazio, Moreno, Mbia, Carrico, Reyes/Marin dk78/Gameiro dk104, Rakitic, Vitolo/Diogo Figueiras dk110 na Bacca.
Benfica: Oblak, Maxi Pereira, Luisao, Garay, Siqueira/Cardozo dk99, Ruben Amorim, Gomes, Gaitan/Ivan Calvaleiro dk119, Sulejmani/Andre Almeida dk25, Lima na Rodrigo.
