CIRO IMMOBILE APIGA HAT TRICK ITALIA IKIPIGA MTU TANO

MSHAMBULIAJI Ciro Immobile ametoa onto kwa kikosi cha kocha Roy Hodgson, England baada ya Mtaliano huyo kufunga mabao matatu katika ushindi wa 5-3 wa Italia dhidi ya klabu ya Fluminense.
Siku sita kabla ya kukutana na England katika mchezo wa kwanza wa Kombe la Dunia kundi lao mjini Manaus, nyota huyo mpya wa Borussia Dortmund aliyenunuliwa kwa Pauni Milioni 15.6 mbali na kipiga hat trick, alimsetia mabao yote mawili Lorenzo Insigne mjini Volta Redonda.
Mfungaji huyo bora wa Serie A akiwa na Torino msimu huu, Immobile huenda sasa akampa wakati mgumu kocha Cesare Prandelli kuamua upya juu ya kikosi cha kwanza. Lakini pia kocha huyo ana kazi ya kurekebisa makos a ya safu yake ya ulinzi yaliyoruhusu mabao matatu jana.

Shujaa: Ciro Immobile akishangilia hat-trick yake jana