Bwawa la maji la Brazil labomoka

Habari kutoka Brazil zinasema bwawa la maji lililoko karibu na eneo la kuchimba chuma kusini mashariki mwa Brazil mkoani Minas Gerais limebomoka, na kusababisha vifo vya watu zaidi ya 15.

Bwawa hilo linaloendeshwa na kampuni ya Samacro lilibomoka jioni na kusababisha maji na matope kuingia mji wa Bento Rodrigues wenye wakazi 620 ulioko umbali wa kilomita saba kutoka kwenye bwawa.

Ofisa wa ulinzi wa jamii wa Mariana Bw Braz Azevedo amesema hali ya sasa ni mbaya, na uchunguzi umeanza, sambamba na juhudi za uokoaji.